Martin2Polly
 
   
     

生成自在命

 

蔣文正

有一位仁兄,係藝術工作者,對五行術數,也有點涉獵,閒時喜歡四處幫趁,試下邊個睇相佬有料。

 有一次去幫趁一個無甚名氣之相士,對方睇一睇佢對手掌之後,便對他說:你老哥的工作甚為悠閒,但自在悠閒時反為有錢,辛苦到死之時,卻反而分分鐘莫財,是乾塘時期。

 這仁兄大詫,自忖的確如此,有時做到死下死下,反而得個桔,但有時「符碌符碌」,卻有意想不到之收獲,得閒東指指,西指指,正是行行企企,食飯幾味。

 這位睇相佬能指出這點,令這位仁兄大為拜服,也驚詫中國術數之神奇。

 其實這又何難?中國相書說:「手軟如棉,閒且有錢」,即是說,一人既手掌,如果又軟又滑,就容易舒舒服服而有錢,不必死捱難捱矣!

 但係就要另外有條件,就係要手型細隻,男人生到好似女人隻手甘細小,而兼且頭腦線生得好,又長又清淅先至得。

 因為不必死捱,就是要用腦,頭腦線唔好,即是頭腦唔好,咁點「食腦」? 而手掌大隻,是工作狂,自在一點都唔舒服,係都要搵些工作做先至安樂,所謂辛苦命,或是「搵苦來辛」的命,又點閒得起來?

 自在命都有相睇既。 而替這位仁兄睇掌之相士,就係區區在下了。

 
 

中國哲學文化協進會客戶服務中心

地址:香港九龍旺角亞皆老街 43-49 號雅佳樓6字 47 號

             Room 47, 6/F, Argyle House, 43-49 Argyle Street, Mongkok, HK.

電話:( 0852 ) 26183861.      ( 0852 ) 26188861.

傳真:( 0852 ) 26181277

網址:www.168k.com  電郵:168@168k.com