Martin2Polly
 
   
     

臨老扮風騷

蔣文正

 在眾人聚集的地方,筆者因為懂得掌相風水,很多時都被人要求「贈兩句」,而成為眾人的焦點。

 我亦覺得,這種話題甚好,可以打開話盒子,令氣氛和諧愉快一些,更能促進陌生人之間的交往。

 更加避免講是非,講政治,分分拗到面紅面綠,大家無癮,面左左收場。

 記得有一次,有一位已婚少婦,也要求贈兩句,我也不用看她的掌紋,也不用問她出生時辰資料,只叫她小心婚姻為要。

 這次只惹來「啋啋」連聲,大吉利是,老蔣正一好講唔講,正一烏鴉口。

 轉眼數年,遇同桌之友儕,告之此少婦果然不旋踵已離異。友人問我,當時點知?

 唉!睇相有內外之別,有一種「外相」,係睇此人之外在行為,言藏舉止,而不是一定睇口大口細,或掌紋如何者也。

 這位少婦,雖是已婚,年紀亦三張幾,但尚搔首弄姿,笑似銀鈴,媚眼四拋,廣東人話齋,四處「賣生藕」。這些,都表示佢之內心世界,還想有人追求,還想四處求偶,還想渴望浪漫,而不是安心相夫教子,維持家庭溫暖。

 舉止與年齡不相稱,也與身份不相稱,有諸內則形諸外,重使乜睇其他?

 咁既相格甘既心態的人都唔離婚,天理何在?

 
     
 

中國哲學文化協進會客戶服務中心

地址:香港九龍旺角亞皆老街 43-49 號雅佳樓6字 47 號

             Room 47, 6/F, Argyle House, 43-49 Argyle Street, Mongkok, HK.

電話:( 0852 ) 26183861.      ( 0852 ) 26188861.

傳真:( 0852 ) 26181277

網址:www.168k.com  電郵:168@168k.com